Португалия матбуотининг хабар беришича, Мадриднинг "Реал" клуби ҳамда Португалиянинг "Бенфика" клуби билан бельгиялик футболчи Аксель Витсел борасида келишувга эришган.
Бир қатор португал нашрларининг маълум қилишича, бельгиялик истеъдодли футболчи келаси мавсумни айнан "Реал" сафида бошлайди. У "Реал" сафига қироллик клубининг АҚШ даги мавсумолди йиғини тугаши вa Испанияга қайтиб келиши билан бориб қўшилади.
Бундан аввалроқ "Бенфика" президенти Луиш Фелипе Виейра футболчини 35 миллион евродан кам пулга сотмаслигини таъкидлаган эди. Маълумотларга кўра, "Реал" футболчи учун ушбу суммани тўлашга рози бўлган. Тасдиқланмаган маълумотларга қараганда, Аксель Витселнинг трансфери учун "Реал" 31 милион евро тўлайдиган бўлди.