"Милан" ва Португалия терма жамоаси ҳужумчиси Рафаэль Леау ўзи ўйнаган энг яхши ҳимоячиларни номлади.
“Умуман олганда, ҳар бир ҳимоячига қарши ўйнаш осон эмас. Уларнинг ҳар бири ўз соҳасининг профессионали бўлиб, кундан кун ўсиб бормоқда. Аммо, агар кимдир ажралиб турса - Пепе ва Тиаго Силва. Ажойиб футболчилар", — дея Леау сўзларини келтиради pianetamilan.it.
23 ёшли португалиялик футболчи 2019 йилнинг августидан буён “Милан” сафида тўп суради ва жорий мавсумда жамоа сафида барча мусобақаларда 31 та ўйинда майдонга тушиб, 9 та гол урди ва 10 та голли узатмани амалга оширди.
Аввалроқ Леау Италия клуби билан янги шартнома имзолашга тайёрлигини тасдиқлагани ҳақида хабар берилганди.
