“Интер”нинг собиқ ҳужумчиси Иван Саморано аргентиналик “Манчестер Сити” ҳужумчиси Хулиан Альваресни бугунги кундаги энг қиммат футболчилар – Килиан Мбаппе (“ПСЖ”) ва Эрлинг Холанд (“Манчестер Сити”) билан солиштирди.
“Масалан, Холанд қанотларда унчалик яхши эмас, Мбаппе марказий ҳужумчи сифатида у кўп ўйнамаётганини кўрдик. Альварес эса ҳаммасини яхши уддалайди", - дея Саморанодан иқтибос келтиради RMC Sport.
22 ёшли Альварес жорий мавсумда “шаҳарликлар” сафида 20 та ўйинда майдонга тушиб, 7 та гол урди ва 2 та голли узатмани амалга оширди.
