Бутун фаолиятини "Интер"да ўтказган Хавьер Занетти Миланни ўзининг севимли шаҳри деб билишини ва у билан жуда кучли алоқага эга эканлигини тан олди. Занетти 1995 йилдан 2014 йилгача "Интер" сафида ўйнаган.

"Мен Миланга жуда боғланиб қолдим. Бу шаҳар билан жуда кучли алоқам бор, мен бу ерга жуда ёшлигимда келдим ва кейин орзумни амалга оширдим - "Интер" сардори бўлиш ва у билан Чемпионлар лигасида ғалаба қозониш. Миланда улкан қалб ва барча миланликларнинг ҳамжиҳатлиги бор, барча одамлар бир-бирига ёрдам беришни истайди, фақат биргаликда олдинга силжишимиз мумкинлигини тушунади", деб Занетти сўзларини келтиради fcinter1908.it.