Лондоннинг “Арсенал” клуби ҳужумчиси Робин Ван Перси “Манчестер Юнайтед” клубига ўтади. Келаси ҳафтада ҳужумчи расман “МЮ” билан шартнома имзолайди, дея хабар бермоқда Manchester Evening News.
Айни пайтда голландиялик ҳужумчи “Арсенал” таркибида Германиядаги мавсумолди ўқув-йиғин машғулотларида иштиирок этмоқда. Бугун ҳужумчи Германиядан Манчестерга учиб келиши ва медкўрикдан ўтишни бошлайди, дейилади юқоридаги нашрда.
Томонлар футболчининг трансфери борасида келишувга эришган. “МЮ” голландиялик футболчининг трансфери учун 20 миллион фунт тўлайдиган бўлди.
Эслатиб ўтамиз, Робин Ван Перси учун шунингдек, Туриннинг “Ювентус” ҳамда Англия чемпиони “Манчестер Сити” кураш олиб бораётган эди.
