“Челси” ва “Манчестер Юнайтед” “Лидс” дарвозабони Иллан Мельени сотиб олиш учун курашади, деб хабар беради Media Foot.

Манбага кўра, 22 ёшли футболчи учун Дортмунднинг "Боруссия"си ва "Бавария" клублари ҳам қизиқиш билдиришган. Қайд этилишича, немис клублари курашда фаворит эмас, чунки Мелье Англияда қолишни афзал кўради.

Франциялик дарвозабоннинг “Лидс” билан шартномаси 2026 йилнинг ёзига қадар тузилган. Мелье жорий мавсумда барча турнирларда 15 та ўйинда майдонга тушиб, 27 та гол ўтказиб юборди ва 2 бор ўз дарвозаси дахлсизлигини сақлаб қолган.