Лондоннинг “Фулхэм” жамоаси Тим Рим билан янги меҳнат шартномасини тузди. Клуб матбуот хизмати хабарига кўра, томонлар ўртасидаги янги шартнома муддати 2024 йилнинг ёзига қадар мўлжалланган.
“Шартноманинг узайтирилиши мен учун қувончли лаҳзадир. Мен фаолиятимни тугатмаяпман. Мен ўзимни ҳар қачонгидан ҳам яхшироқ ҳис қиляпман. “Фулхэм” билан саёҳатни давом эттирганимдан хурсандман", – дея 35 ёшли америкалик футболчининг сўзларини келтиради клуб матбуот хизмати.
Тим 2015 йилдан бери “Фулхэм” сафида ўйнайди. Ҳимоячи жорий мавсумда барча турнирларда 15 та ўйинда майдонга тушди.
