Londonning “Fulxem” jamoasi Tim Rim bilan yangi mehnat shartnomasini tuzdi. Klub matbuot xizmati xabariga ko‘ra, tomonlar o‘rtasidagi yangi shartnoma muddati 2024 yilning yoziga qadar mo‘ljallangan.
“Shartnomaning uzaytirilishi men uchun quvonchli lahzadir. Men faoliyatimni tugatmayapman. Men o‘zimni har qachongidan ham yaxshiroq his qilyapman. “Fulxem” bilan sayohatni davom ettirganimdan xursandman", – deya 35 yoshli amerikalik futbolchining so‘zlarini keltiradi klub matbuot xizmati.
Tim 2015 yildan beri “Fulxem” safida o‘ynaydi. Himoyachi joriy mavsumda barcha turnirlarda 15 ta o‘yinda maydonga tushdi.
