"Ноттингем Форест" ярим ҳимоячиси Жесси Лингард ҳамон "Манчестер Юнайтед"нинг собиқ бош мураббийи Ральф Рангникдан хафа. Манкунианликлар сафидаги сўнгги уй учрашувида инглиз футболчиси бир дақиқа ҳам ўйнамаган эди.
"Рангник "Манчестер Юнайтед"даги сўнгги уй ўйинимда мени майдонга туширмади. Нега у мухлисларни олқишлаб, улар билан хайрлашишим учун камида 5 дақиқа ўйнашимга рухсат бермаганини тушунмаяпман. Тўғрисини айтсам, бунга лойиқ эдим деб ўйлайман", - дея Лингард сўзларини келтирган журналист Жек Кенмар.
Бугун Лингард "Олд Траффорд"га қайтади, фақат рақиб футболчиси сифатида. Унинг "Ноттингем Форест" клуби АПЛда "Манчестер Юнайтед" билан меҳмонда ўйнайди.
