Мадриднинг “Реал” клуби президенти Флорентино Перес Дортмунднинг “Боруссия” клуби ярим ҳимоячиси Жуд Беллингемни “қаймоқранглилар” сафига қўшмоқчи, дея хабар беради Cаdena COPE.
Аввалроқ 19 ёшли англиялик футболчига "Ливерпуль", "Манчестер Юнайтед" ва "Манчестер Сити" клублари ҳам фаол қизиқиш билдираётгани ҳақида хабар берилганди.
Беллингемнинг "Боруссия" билан амалдаги шартномаси 2025 йилнинг ёзига қадар мўлжалланган. Тransfermarkt англиялик футболчини 110 миллион еврога баҳоламоқда.
Жорий мавсумда ёш ярим ҳимоячи арилар таркибида 22 та ўйин ўтказиб, 9 та гол урди ва 3 та голли узатмани амалга оширди.