"Манчестер Юнайтед" бош мураббийи Эрик тен Хаг ҳужумчи Маркус Рэшфорднинг ўйини ҳақида гапирди.

“Аниқ башорат қилиш қийин бўлади. Лекин менимча, у Премьер-лигада 20 та гол уришга қодир. У жаҳон чемпионатида 3 та гол урди, шунинг учун биз унинг Премьер-лигада кўп гол уриш салоҳиятига эга эканлигини биламиз", - дея тен Хагнинг сўзларини келтиради The Guardian.

2022 йилги жаҳон чемпионатида Рэшфорд Англия терма жамоаси сафида бешта учрашувда иштирок этди ва учта гол урди. Унинг жамоаси турнирнинг чорак финалида Франциядан мағлуб бўлганидан кейин (1:2) жаҳон чемпионатини тарк этди.

25 ёшли англиялик футболчи жорий мавсумда “Манчестер Юнайтед” сафида барча турнирларда 20 та ўйинда майдонга тушиб, 9 та гол урди ва 3 та голли узатмани амалга оширди.