"Manchester Yunayted" bosh murabbiyi Erik ten Xag hujumchi Markus Reshfordning o‘yini haqida gapirdi.
“Aniq bashorat qilish qiyin bo‘ladi. Lekin menimcha, u Premyer-ligada 20 ta gol urishga qodir. U jahon chempionatida 3 ta gol urdi, shuning uchun biz uning Premyer-ligada ko‘p gol urish salohiyatiga ega ekanligini bilamiz", - deya ten Xagning so‘zlarini keltiradi The Guardian.
2022 yilgi jahon chempionatida Reshford Angliya terma jamoasi safida beshta uchrashuvda ishtirok etdi va uchta gol urdi. Uning jamoasi turnirning chorak finalida Fransiyadan mag‘lub bo‘lganidan keyin (1:2) jahon chempionatini tark etdi.
25 yoshli angliyalik futbolchi joriy mavsumda “Manchester Yunayted” safida barcha turnirlarda 20 ta o‘yinda maydonga tushib, 9 ta gol urdi va 3 ta golli uzatmani amalga oshirdi.
