"Арсенал" собиқ бош мураббийи Арсен Венгер ҳайкалини "Эмирейтс" стадиони ташқарисида ўрнатиш имкониятини кўриб чиқмоқда.
Клубда бу ғоя аввал ҳам бор эди, аммо муаммо франциялик мутахассис билан боғлиқ муносабатларда эди. У 2018 йилда жамоани тарк этишга мажбур бўлганига ишонган. Кеча Венгер "канонирлар"нинг АПЛ доирасидаги "Вест Хэм"га қарши ўйинини (3:1) стадиондан кузатган.
Венгер ҳайкали собиқ бош мураббий Герберт Чапман, шунингдек, футболчилар Тьерри Анри, Тони Адамс ва Деннис Бергкамп шарафига ўрнатилган ҳайкаллар ёнига жойлаштириши мумкин.