"Аталанта"нинг украиналик ярим ҳимоячиси Руслан Малиновский "Тоттенхэм"нинг трансфер мақсади бўлиб қолмоқда, дея хабар беради журналист Фабрицио Романо.
Ёзда у "шпорлар" учун устувор вариант эди, аммо кейин "Аталанта" уни сотиб олиш имконияти билан ижарага беришдан бош тортди. Бергамоликлар ҳалигача футболчини ижара шартномасисиз сотишга қарорини ўзгартирмаган.
Олдинроқ "Марсель" маслаҳатчиси Малиновскийнинг трансферига умид билдирганди. Шунингдек, унинг "Вест Хэм"га ўтиши мумкинлиги ҳақида ҳам маълумотлар бор эди.
Бу мавсумда Руслан 14 учрашувда 1 та гол урди ва 2 та голли узатмани амалга оширди.
