"Марсель" "Аталанта"нинг украиналик ярим ҳимоячиси Руслан Малиновскийни сотиб олиш ғоясидан воз кечди, деб хабар беради Tuttomercatoweb.
Манба берган хабарга кўра, француз клуби украиналик футболчининг ўйин услуби мураббийлар штабига ёқса-да, унинг товон пулини тўлай олмайди. Олдинроқ италияликлар ярим ҳимоячини 16-18 миллион еврога баҳолаётгани хабар қилинганди. Футболчига "Тоттенхэм" ва "Вест Хэм" ҳам қизиқиш билдирмоқда.
29 ёшли Малиновский жорий мавсумда “Аталанта” сафида 14 та ўйинда майдонга тушиб, 1 та гол урди ва 2 та голли узатмани амалга оширди. Унинг клуб билан шартномаси 2024 йилнинг ёзига қадар мўлжалланган.
