«ПСЖ» ва Франция терма жамоаси ҳужумчиси Килиан Мбаппе Лига 1нинг 16-тури доирасида «Страсбург»га қарши ўйиндаги ғалабадан сўнг (2:1) фикр билдирди. Ушбу учрашувда франциялик футболчи қўшиб берилган 6-дақиқада ғалаба тўпини киритди.
«Менинг ҳолатим оддий эди - терма жамоага нима бўлишидан қатъи назар, «ПСЖ»да супер ўйин кўрсатиш ва мен барча совринларни пойтахтга олиб келишга қатъий қарор қилдим», - деди Мбаппе GFFNга.
Франция терма жамоаси билан Мбаппе ЖЧ-2022 финалига чиқди ва у ерда Аргентинага ютқазди (3:3, пенальтилар - 2:4). Финал баҳсида франциялик футболчи хет-трик қайд этди.
«ПСЖ» Лига 1 турнир жадвалида 16 турдан кейин 44 очко билан пешқадамлик қилмоқда. Франция чемпионатининг 17-тури доирасидаги навбатдаги ўйинни парижликлар 2023 йил 1 январь куни «Ленс»га қарши ўтказишади.
