«Ливерпуль» бош мураббийи Юрген Клопп Голландия терма жамоаси ҳужумчиси Коди Гакпонинг трансфери ҳақида фикр билдирди. 23 ёшли голландиялик футболчи тиббий кўрикдан муваффақиятли ўтиб, шартнома имзолайди.
«Бунинг уддасидан чиққанимиз биз учун жуда ажойиб янгилик. Биз анчадан бери таниш бўлган ва биз билан келажаги порлоқ бўлишига ишонадиган футболчи билан шартнома имзолашга муваффақ бўлдик.
У эндигина 23 ёшда, лекин у аллақачон катта тажрибага эга. У «ПСВ» сардори бўлган, ўтган мавсумда Голландиянинг энг яхши футболчиси бўлган ва ўз терма жамоаси билан ажойиб жаҳон чемпионатини ўтказди», — деди Клопп.
Жорий мавсумда Гакпо Голландия чемпионатида 14 та ўйин ўтказиб, гол+пас тизимида 21 (9+12) очко жамғарди.
ЖЧ-2022да ҳужумчи ўз терма жамоаси сафида бешта ўйин ўтказиб, учта гол урган.