«Liverpul» bosh murabbiyi Yurgen Klopp Gollandiya terma jamoasi hujumchisi Kodi Gakponing transferi haqida fikr bildirdi. 23 yoshli gollandiyalik futbolchi tibbiy ko‘rikdan muvaffaqiyatli o‘tib, shartnoma imzolaydi.
«Buning uddasidan chiqqanimiz biz uchun juda ajoyib yangilik. Biz anchadan beri tanish bo‘lgan va biz bilan kelajagi porloq bo‘lishiga ishonadigan futbolchi bilan shartnoma imzolashga muvaffaq bo‘ldik.
U endigina 23 yoshda, lekin u allaqachon katta tajribaga ega. U «PSV» sardori bo‘lgan, o‘tgan mavsumda Gollandiyaning eng yaxshi futbolchisi bo‘lgan va o‘z terma jamoasi bilan ajoyib jahon chempionatini o‘tkazdi», — dedi Klopp.
Joriy mavsumda Gakpo Gollandiya chempionatida 14 ta o‘yin o‘tkazib, gol+pas tizimida 21 (9+12) ochko jamg‘ardi.
JCH-2022da hujumchi o‘z terma jamoasi safida beshta o‘yin o‘tkazib, uchta gol urgan.
