"Васко да Гама" ярим ҳимоячиси Андрей Сантос тез орада "Челси"га ўтади.
Инсайдер Фабрицио Романо хабарига кўра, 18 ёшли бразилиялик футболчи бугун тиббий кўрикдан ўтиш учун Лондонга келади.
Футболчи "Челси" билан узоқ муддатли шартнома имзолайди. Трансфер суммаси 12,5 миллион еврони ташкил қилади. Қайд этилишича, Сантос ижара асосида "Васко да Гама"га қайтмайди, балки "Челси"да қолади.
2022 йилда Сантос Бразилия Б Сериясида 33 та ўйин ўтказиб, 8 та гол урди, 9 та сариқ ва 1 та қизил карточка олди. Бразилия U-20 терма жамоаси таркибида у 4 та ўйин ўтказиб, 2 та гол урди.
