Ўтган ёзда эркин агент мақомида "Манчестер Юнайтед"дан "Ювентус"га ўтган Поль Погба туринликларнинг бирорта расмий ўйинида майдонга тушишга улгурмади, аммо франциялик футболчи доимий равишда "бьянконерилар" мухлисларини ғазаблантирмоқда.
Ярим ҳимоячи ўзининг ижтимоий тармоқдаги саҳифаларида тоғ-чанғи курортидан олинган суратларни жойлаштирди. Жароҳатидан зўрға фориғ бўлаётган футболчи нима учун чанғи спорти билан шуғулланишга қарор қилганини "Юве" мухлислар тушунмади. Мухлислар Полнинг ҳаракатини қоралади. Бир мунча вақт аввал "Бавария" дарвозабони Мануэль Нойер айнан тоғда оёғини синдириб олгандан сўнг мавсум якунига қадар сафдан чиққан эди.
Футболчининг ўзи танқидларга эътибор қаратди. Бунга жавобан у чанғи спорти билан шуғулланаётган ҳазиломуз видеони ёзиб олди.
"Мен чанғида шундай юраман", - деб ёзган ярим ҳимоячи видео изоҳига.
Мухлислар Погбанинг видеосига қуйидагича муносабатда бўлишди:
“Қандай масхарабозлик. Сизнингча, "Ювентус" бу йигитни қандайдир циркка сотиши мумкинми?"
“Ҳурматли Поль, муаммо чанғида учиш ёки учмасликда эмас. Ишончим комилки, сиз дам олишингизни хоҳлаганингизча ўтказишга ҳақлисиз. Лекин бу мавсумда бир дақиқа ҳам майдонга тушмаганингиз учун операцияни кейинга қолдиришга қарор қилдингиз, балки таътилингиз суратларини жойлаштирмаслигингиз керак эди? Ўйлаб кўринг".
"Погба ўзини танқид қилганларнинг устидан куламан деб ўйлаган, аммо аксинча ўзини аҳмоқ қилиб кўрсатган".
“Демак, энди сизни собиқ футболчи дейишимиз мумкинми? Ахир сиз дунёда ҳамма нарсани қиласиз, фақат футбол ўйнашдан ташқари.
"Видеони суратга олаётганда жароҳат олдингизми?"
Ўқиб турганингиздек "кекса синьора" мухлислари Погбадан қаттиқ жаҳли чиққан. Кўрамиз, Поль жароҳатини даволаб бу танқидларга жавоб бера олармикин.
