O‘tgan yozda erkin agent maqomida "Manchester Yunayted"dan "Yuventus"ga o‘tgan Pol Pogba turinliklarning birorta rasmiy o‘yinida maydonga tushishga ulgurmadi, ammo fransiyalik futbolchi doimiy ravishda "byankonerilar" muxlislarini g‘azablantirmoqda.
Yarim himoyachi o‘zining ijtimoiy tarmoqdagi sahifalarida tog‘-chang‘i kurortidan olingan suratlarni joylashtirdi. Jarohatidan zo‘rg‘a forig‘ bo‘layotgan futbolchi nima uchun chang‘i sporti bilan shug‘ullanishga qaror qilganini "Yuve" muxlislar tushunmadi. Muxlislar Polning harakatini qoraladi. Bir muncha vaqt avval "Bavariya" darvozaboni Manuel Noyer aynan tog‘da oyog‘ini sindirib olgandan so‘ng mavsum yakuniga qadar safdan chiqqan edi.
Futbolchining o‘zi tanqidlarga e’tibor qaratdi. Bunga javoban u chang‘i sporti bilan shug‘ullanayotgan hazilomuz videoni yozib oldi.
"Men chang‘ida shunday yuraman", - deb yozgan yarim himoyachi video izohiga.
Muxlislar Pogbaning videosiga quyidagicha munosabatda bo‘lishdi:
“Qanday masxarabozlik. Sizningcha, "Yuventus" bu yigitni qandaydir sirkka sotishi mumkinmi?"
“Hurmatli Pol, muammo chang‘ida uchish yoki uchmaslikda emas. Ishonchim komilki, siz dam olishingizni xohlaganingizcha o‘tkazishga haqlisiz. Lekin bu mavsumda bir daqiqa ham maydonga tushmaganingiz uchun operasiyani keyinga qoldirishga qaror qildingiz, balki ta’tilingiz suratlarini joylashtirmasligingiz kerak edi? O‘ylab ko‘ring".
"Pogba o‘zini tanqid qilganlarning ustidan kulaman deb o‘ylagan, ammo aksincha o‘zini ahmoq qilib ko‘rsatgan".
“Demak, endi sizni sobiq futbolchi deyishimiz mumkinmi? Axir siz dunyoda hamma narsani qilasiz, faqat futbol o‘ynashdan tashqari.
"Videoni suratga olayotganda jarohat oldingizmi?"
O‘qib turganingizdek "keksa sinyora" muxlislari Pogbadan qattiq jahli chiqqan. Ko‘ramiz, Pol jarohatini davolab bu tanqidlarga javob bera olarmikin.
