Мексика терма жамоаси ва Италиянинг “Салернитана” клуби дарвозабони Гильермо Очоа ЖЧ-2026да ўйнаш истаги борлигини маълум қилди.
“Мен ҳар доим ўзим ўйнаган клубни ҳурмат қиладиган профессионал спортчи бўлишим керак. Айнан шу фазилатлар туфайли мен олтинчи жаҳон чемпионатида ўйнашга умид қиламан", - дея Очоанинг сўзларидан иқтибос келтиради Football Italia.
Қатарда бўлиб ўтган сўнгги жаҳон чемпионатида Очоа Мексика терма жамоаси сафида учала ўйинни ҳам ўтказди ва Польша термаси билан ўйинда (0:0) пенальтини бартараф этди.
37 ёшли Очоа Мексика терма жамоаси сафида 135 та ўйин ўтказиб, 4 марта КОНКАКАФ Олтин кубогини қўлга киритган. Дарвозабон бешта жаҳон чемпионатларида қатнашган (2006, 2010, 2014, 2018, 2022), бироқ у фақат сўнгги учта турнирда майдонга тушган.
У яқинда "Салернитана" билан мавсум охиригача шартнома имзолади.