"Вест Хэм" бош мураббийи Девид Мойес ярим ҳимоячи Деклан Райс қишки трансфер ойнасида жамоани тарк этмаслигини айтди.
“Деклан Райс бу қишда клубни тарк этмайди. У юз фоиз клубда қолади", — дея Мойес сўзларини келтиради The Athletic.
23 ёшли инглизнинг "болғачилар" билан шартномаси 2024 йилгача мўлжалланган ва у бир неча бор шартномани узайтиришдан бош тортган. Transfermarkt портали футболчини 80 миллион еврога баҳоламоқда.
Райс жорий мавсумда инглиз клуби сафида 20 та ўйинда майдонга тушиб, 1 та гол ва 2 та голли узатмани амалга оширди.
