Жаҳон футболи афсонаси, барча даврларнинг энг яхши футболчиси Эдсон Арантис ду Насименто Пеле вафот этгани ҳақида хабар берилганди. Ўзбекистон футбол ассоциацияси собиқ футболчининг ўлими сабаб ҳамдардлик билдирди.

"Ўзбекистон футбол ассоциацияси Пеленинг оила аъзолари, яқинлари, Бразилия футбол конфедерацияси ҳамда бутун дунёдаги барча футбол мухлисларига ҳамдардлик билдиради.

Пеле ҳақидаги хотира ушбу спорт турини севувчиларнинг қалбида абадий қолади ва унинг мероси, шубҳасиз, жаҳон футболининг буюк дурдоналаридан бирига айланади", - дейилади хабарда.