"Спортинг" бош мураббийи Рубен Аморим ўз жамоаси ҳимоячиси Педро Поррога "Тоттенхэм"дан қизиқиш билдираётгани ҳақидаги маълумотларга муносабат билдирди.
"Педрога келсак, жамоада ўз ўйинлари билан бошқа клубларнинг қизиқишини қозонган футболчилар борлигини биламиз. Мен билишимча, Порро фақат қайтариб сотиб олиш пункти фаоллаштирилган тақдирдагина кетиши мумкин.
Биз ҳамма нарсага тайёрмиз ва биламизки, Педро учун керакли миқдорни тўлашга тайёр клублар бор", - дея Sky Sports Аморимнинг сўзларини келтиради.
2022/23 йилги мавсумда Порро “Спортинг” сафида 20 та ўйинда майдонга тушиб, 1 та гол урди ва 9 та голли узатмани амалга оширди.
