«Астон Вилла» бош мураббийи Унаи Эмери август ойи ўрталарида жиддий жароҳат олган ва ҳали ҳам ўйинда иштирок эта олмаган марказий ҳимоячи Диего Карлоснинг тикланиш вақтини эълон қилди.
Виллаликлар устозининг матбуот анжуманида айтишича, январь ойи давомида футболчи реабилитация курсидан ўтишда давом этади. Бразилиялик ҳимоячи февраль ойида сафга қайтиши кутилмоқда.
Эслатиб ўтамиз, Карлос аввалроқ «Севилья» сафида Испания чемпионатида тўп тепган. Айнан шу ердан бразилиялик ёзда «Астон Вилла»га кўчиб ўтганди. Бирмингем жамоаси 29 ёшли ҳимоячининг трансфери учун 31 миллион евро тўлаган.
