Мадриднинг «Реал» клуби чап қанот ҳимоячиси Ферлан Менди «Ньюкасл Юнайтед»нинг асосий трансфер мақсадига айланган.
Аввал хабар берганимиздек, франциялик футболчига шунингдек, «ПСЖ» ҳам қизиқиш билдирмоқда. 27 ёшли латералнинг январда кетиши даргумон, чунки футболчи «қаймоқранглилар» бош мураббийи Карло Анчелоттининг режаларига киритилган, аммо унга қизиқувчилар рўйхати ўсишда давом этмоқда. Foot Mercato хабарига кўра, Мендини Премьер-лига клублари, жумладан, «Ньюкасл Юнайтед» нишонга олган.
Ферлан Мендининг трансфер нархи 40 миллион еврога баҳоланмоқда. Футболчининг «Реал» билан шартномаси 2025 йилгача мўлжалланган.
