Ҳужумчи Криштиану Роналдунинг Жорже Мендеш билан муносабатлари "Манчестер Юнайтед"ни тарк этганидан кейин кескин ёмонлашди. Футболчи агент унга Европанинг топ-клубини топа олмаганидан норози эди.
Daily Post нашрига маълум бўлишича, 37 ёшли ҳужумчи Мендеш ёрдамисиз Саудия Арабистонининг "Ан-Наср" клуби билан шартнома имзолаган. Роналду клуб билан икки ярим йиллик шартнома имзолади. “Ан-Наср”да ҳужумчи йилига 200 миллион евро ишлаб олади.
Криштиану “Манчестер Юнайтед”ни кеч кузда тарк этди. Томонлар ўзаро келишув асосида шартномани бекор қилишди.
