"Челси" бош мураббийи Грэм Поттер "Монако" ҳимоячиси Бенуа Бадиашиленинг бўлажак трансфери ҳақидаги саволга жавоб беришдан қочди.
"Кимдир менга расман имзоланганини айтмагунича, бирор нарсага изоҳ бериш ахлоқсизлик бўлади", - дея мураббийнинг сўзларини келтиради Sky Sports.
2 январь, душанба куни 21 ёшли франциялик футболчи тиббий кўрикдан ўтиши керак, шундан сўнг келишув расман эълон қилинади. Ҳимоячи Лондон клуби билан 2029 йилгача мўлжалланган шартнома имзолайди.
Франция 1-лигасининг жорий мавсумида ҳимоячи 11 та ўйин ўтказиб, 2 та гол урган.
