Хорватиялик ҳимоячи Деян Ловрен Россиянинг "Зенит" клубидан Франциянинг "Лион" клубига ўтди. Бу ҳақда Петербург жамоаси матбуот хизмати хабар берди.
"Зенит" футбол клуби Деян Ловренга ҳар бир ўйиндаги профессионаллиги ва фидойилиги учун миннатдорчилик билдиради ва унга янги клубида омад тилайди. Ҳаммаси учун раҳмат, сардор! – дейилади "Зенит"нинг расмий баёнотида.
Хорватиялик ҳимоячи Англиянинг "Ливерпуль2 клубидан кўчиб ўтганидан кейин "Зенит"да 2020 йилдан бери ўйнаб келаётганди. "Кўк-оқ-кўклар" таркибида Ловрен 63 ўйин ўтказиб, учта гол урди ва учта голли узатмани амалга оширди. Петербургликлар билан биргаликда ҳимоячи икки карра мамлакат чемпиони бўлди ва икки марта Россия Суперкубогини қўлга киритди.
