Лондон Олимпиадасида муваффақиятсизликка учраган Испания Олимпия терма жамоаси бош мураббийи Луис Милья мамлакат футбол федерацияси томонидан истеъфога чиқарилган, бу ҳақдаги қарорни ИФФ расмий сайти расман тасдиқлади.

Шунингдек Мильяга қўшиб, терма жамоанинг жисмоний тайёргарлик бўйича мураббийи Хуан Карлос Мартинес Кастрехо ҳам ишдан бўшатилган.

Хабарингиз бор, Олимпиада ўйинларининг асосий фаворитларидан бири сифатида эътироф этилган Испания олимпиячилари гуруҳ баҳсларида рақиблари дарвозасини бирор марта ҳам ишғол қила олмай, сўнгги поғонани эгаллашган эди.