"Манчестер Юнайтед" "Айнтрахт" ҳужумчисини сотиб олиши мумкин.
"Қизил иблислар" Рандал Коло-Муанининг хизматига қизиқмоқда ва 60 миллион евролик таклиф тайёрламоқда, деб хабар беради Ouest France L'Equipe нашри. "Манкунианликлар" қишки трансфер ойнасида франциялик футболчини сотиб олмоқчи.
Ҳужумчининг хизматларига "Бавария" ҳам қизиқмоқда. Мюнхенликлар ЖЧ-2022 бошланидан анча олдин Коло-Муанини ўз сафига қўшиб олиш ҳаракатини бошлаган. Мюнхен клуби 24 ёшли футболчини кейинги мавсум олдидан трансфер қилиш вариантига қизиқмоқда.
Жорий мавсумда Бундеслиганинг 14 ўйинида Коло-Муани 5 гол урди ва 9 голга ассистентлик қилди.
