Пеленинг қиёфадоши Никанор Рибейро машҳур футболчининг ўлими ҳақида гапирди.
- Пеле биз ўхшашмиз, деганди. Бироқ, у янада чиройлироқ эди", - деди Никанор Globo.com. билан суҳбатда.
Никанор Рибейро 20 йил давомида Пеленинг қиёфадоши сифатида ишлади. Собиқ футболчи 29 декабрь куни 82 ёшида йўғон ичак саратони билан курашиб вафот этди.
Пеле билан хайрлашув маросими 2 январь куни Тошкент вақти билан соат 18:00 да бошланди. 24 соат давом этадиган тадбир "Сантос" стадионида бўлиб ўтади. Футбол тарихидаги ягона уч карра жаҳон чемпиони билан ҳамма хайрлашиши мумкин.
