Франкфуртнинг “Айнтрахт” клуби ҳимоячиси Лука Пеллегрини тез орада А Серияга қайтиши мумкин. Ҳуқуқлари Туриннинг “Ювентус” клубига тегишли бўлган чап қанот ҳимоячиси Франкфуртдаги ижарасини тугатишга тайёр, чунки футболчининг бош мураббий Оливер Глазнер билан муносабатлари ёмонлашган.
Журналист Николо Скиранинг ёзишича, Пеллегринига "Лацио" клуби қизиқмоқда. Маурицио Сарри жамоаси футболчини сотиб олиш опцияси билан ижарага олмоқчи.
Эслатиб ўтамиз, 23 ёшли Пеллегрини аввалроқ Римнинг бошқа бир жамоаси "Рома"да ўйнаган ва чемпионатда 6та ўйин ўтказган.
