Ихтиёримизда 2 кун қолмоқда. Бугун ва эртага бўлиб ўтадиган мусобақалардан кейин олимпиадага якун ясалади. Яна етти нафар спортчи мусобақаларда иштирок этишади. Улардан 5 нафари бугун, қолган икки нафари сўнгги куни баҳсларда қатнашишади.


Таэквондо
Бугун таэквондонинг аёллар ва эркаклар ўртасида энг оғир вазн тоифадаги спортчилар даянга чиқишади. Унда юртимиз шарафини Наталья Маматова ва Акмал Эргашев ҳимоя қилишади. Спортчилариз ўз иштирокларини 1/8 финалдан бошлашади.

Енгил атлетика, баландликка сакраш
Енгил атлетикачиларимиз орасида финал босқичини қўлга киритган ягона спортчи Светлана Радзивил ҳисобланади. У ўзининг 11 нафар рақибалари билан баландликни забт этишга киришади. Қуръага кўра, Светлана тўртинчи бўлиб баҳсларни бошлайди.

Эркин кураш
Бу спорт туридаги полвонлар терма жамоамизга дастлабки медални келтиришди. Яна 4 нафар курашчимиз мусобақада иштирок этишга тайёр турибди. Биз эса бугун Артур Таймазовнинг баҳсларини катта қизиқиш билан кузатамиз. Энг оғир вазндаги курашчимиз аввалги олимпиадаларда бизга 2та олтин ва 1та кумуш медалини келтирган. 84 кг.ли Заурбек Сохиев ҳам терма жамоамиз ҳисобидаги медаллар сонининг ошишига ҳаракат қилиб кўради.


11 август, шанба. Ўзбекистонлик спортчилар иштирокидаги Олимпиада баҳслари тақвими
13:00. Таэквондо, +67 кг. Наталья Маматова - Анна-Каролин Графф (Франция). 1/8 финал.
16:15. Таэквондо, +80 кг.  Акмал Эргашeв - Даба Модибо Кейта (Мали). 1/8 финал.
13:47. Каноэ, 200 м. Вадим Меньков. "В" финал.
17:00. Эркин кураш, 84 кг. Заурбeк Сохиeв - Ибрагим Алдатов (Украина). 1/16 финал
17:30. Эркин кураш, 120 кг. Артур Таймазов - Ник Матюхин (Германия). 1/8 финал.
23:00. Енгил атлетика, Баландликка сакраш. Светлана Радзивил. Финал