"Барселона" бош мураббийи Хави қишки трансфер ойнасидаги режалари ҳақида гапирди ва ҳозирги таркибдан мамнунлигини тан олди.
“Биз бахтлимиз. Бизда ғолиблик руҳиятига эга жамоа бор. Футболчиларимиз ғалаба қозонишни исташади, буни ҳар бир машғулотда кўрсатишади. Менга ўзимда бор таркибдан жуда мамнунман", - дея Хавининг сўзларидан иқтибос келтирди италиялик журналист Фабрицио Романо ижтимоий тармоқларда.
Бугун, 4 январь куни "Барселона" Испания кубоги доирасида "Интерсити"га қарши ўйин ўтказади. Баҳс Тошкент вақти билан 01:00 да бошланади. Каталонияликлар Ла Лиганинг 15-туридан кейин 38 очко билан турнир жадвалида пешқадамлик қилмоқда.
