Италия чемпионатининг 16-тури доирасида бўлиб ўтган «Аталанта» сафарда қуйи поғоналардан бирини (17) эгаллаб турган «Специя» клуби меҳмони бўлди.

Мезбонлар баҳснинг 8-дақиқасида ҳисобни очишган бўлса, 31-дақиқада фарқни иккитага оширишди.

"Аталанта" эса иккинчи бўлим сўнгида мағлубиятдан қутулиб қолди. Хейлунд 77-дақиқада биринчи жавоб тўпини киритган бўлса, қўшиб берилган дақиқаларда Пашалич мувозанатни тиклади.

Ушбу дуранг туфайли "Аталанта" ўз очколарини 28тага етказди ва 7-ўринни эгаллаб турибди. Жамоа пешқадам "Наполи"дан нақ 13 очко ортда қолмоқда.

Италия А серияси, 16-тур
Специя – Аталанта 2:2 (2:0, 0:2)
Голлар: 1:0 – 8 Жаси, 2:0 – 31 Нзола, 2:1 – 77 Хейлунд, 2:2 – 90+2 Пашалич.
Специя – Зут (Зовко, 18), Хольм, Николау, Амьян, Кивер, Бастони (Коваленко, 78), Ампаду (Экдаль, 78), Реца (Браганса Моутинью, 67), Бурабия, Жаси, Нзола (Мальдини, 67).
Аталанта – Спортьелло, Мэле (Дзаппакоста, 57), Паломино, Толои, Скальвини (Малиновский, 82), Руджери, де Рон, Копмейнерс, Эдерсон (Пашалич, 57), Лукман (Муриэль, 57), Сапата (Хейлунд, 29).
Огоҳлантиришлар: Лукман (45), Кивер (49), Ампаду (56), Дзаппакоста (58), Николау (83), Копмейнерс (86).