Криштиану Роналду “Ан-Наср”нинг навбатдаги учрашувларида қатнашмайди.
Декабрь ойи охирида Саудия клуби билан шартнома имзолаган ҳужумчи "Ал-Таи" ва "Аш-Шабаб" жамоаларига қарши ўйинларни ўтказиб юборади. Учрашувлар 5 ва 14 январь кунлари бўлиб ўтади.
Португалиялик футболчи дисквалификация туфайли ушбу учрашувларда майдонга туша олмайди. Ноябрь ойида Англия футбол ассоциацияси уни апрель ойида содир бўлган воқеа учун 2 ўйинга дисквалификация қилганди. Ўшанда "Манчестер Юнайтед"да ўйнаган футболчи бемор боланинг телефонини синдириб ташлади.
Роналду дисквалификацияни ҳали бажармаган, бу борадаги қарор унинг "Манчестер Юнайтед" билан шартномаси бекор қилинган куннинг эртасига қабул қилинган. ФИФА регламентига кўра, аввалги лигаларда дисквалификация муддатини охиригача ўтказмаган футболчилар янги чемпионатдаги дастлабки ўйинларни ўтказиб юборишлари шарт.
Шу тариқа, Роналду 21 январгача “Ал-Наср”да ўйнай олмайди. Кейин эса жамоа “Ал-Иттифоқ” билан учрашади.
