Антуан Гризманн Қатарда бўлиб ўтган жаҳон чемпионатида Франция терма жамоаси таркибида ажойиб ўйин кўрсатди. Шу билан бирга, мавсумнинг биринчи қисмида "Атлетико" футболчиси танқидларга учради. Бу ҳақда "матрасчилар" устози Диего Симеоне фикр билдирди.
"Жаҳон чемпионатидан етти кун олдин Гризманн "Атлетико"да қандай ўйнагани эсингизда бўлсин. У худди Франция терма жамоасида ўйнагандек, жамоамизда ҳам шундай фидойилик билан ўйнади. Антуан ҳамиша шу клубда бўлишни хоҳлаган. У мухлислар меҳрини қайтарди. Кўпчилик бошқача фикрда бўлишига қарамай, у ажойиб футболчи", - деди Симеоне матбуот анжуманида.
8 январь, якшанба куни Мадриднинг "Атлетико" клуби Испания чемпионати доирасидаги уй учрашувини "Барселона"га қарши ўтказади.
