Antuan Grizmann Qatarda bo‘lib o‘tgan jahon chempionatida Fransiya terma jamoasi tarkibida ajoyib o‘yin ko‘rsatdi. Shu bilan birga, mavsumning birinchi qismida "Atletiko" futbolchisi tanqidlarga uchradi. Bu haqda "matraschilar" ustozi Diyego Simeone fikr bildirdi.

"Jahon chempionatidan yetti kun oldin Grizmann "Atletiko"da qanday o‘ynagani esingizda bo‘lsin. U xuddi Fransiya terma jamoasida o‘ynagandek, jamoamizda ham shunday fidoyilik bilan o‘ynadi. Antuan hamisha shu klubda bo‘lishni xohlagan. U muxlislar mehrini qaytardi. Ko‘pchilik boshqacha fikrda bo‘lishiga qaramay, u ajoyib futbolchi", - dedi Simeone matbuot anjumanida.

8 yanvar, yakshanba kuni Madridning "Atletiko" klubi Ispaniya chempionati doirasidagi uy uchrashuvini "Barselona"ga qarshi o‘tkazadi.