Ҳуқуқлари Мадриднинг "Атлетико" клубига тегишли бўлган франциялик ярим ҳимоячи Жоффрей Кондогбиа ўз фаолиятини Англия Премьер-лигасида давом эттириши мумкин. Бу ҳақда AS нашри хабар бермоқда.
"Астон Вилла" клуби 29 ёшли футболчи билан шартнома имзоламоқчи. "Матрасчилар" жамоада асосий бўлмаган футболчини сотишга қарши эмас. Кондогбианинг трансфер нархи 20 миллион еврога баҳоланмоқда. Унинг мадридликлар билан шартномаси 2024 йилнинг ўрталарига қадар мўлжалланган.
Испания чемпионатининг жорий мавсумида Жоффрей 12 та жанг ўтказиб, битта голли узатмани амалга оширган.
