Наманганнинг "Навбаҳор" клуби матбуот хизматининг хабар беришича, эртага Самвел Бабаян бошчилигидаги "лочинлар" Туркияга йўл олади.

"Янги мавсумда ўз олдига юксак мақсадларни қўйган вице-чемпион, Осиё Чемпионлар Лигаси (ОЧЛ) "плей-офф" баҳсларини муваффақиятли якунлаб, гуруҳ босқичи йўлланмасини қўлга киритишни режалаштирган жамоамиз 2023 йилги мавсумга тайёргарликни ҳам жиддий тарзда олиб боришни ният қилган.

“Лочинлар” янги йилдаги илк ўқув-машғулот йиғинини ўтказиш мақсадида, эртага эрталаб Тошкент – Анталья авиайўналиши бўйича Туркияга парвоз қилишади. Туркиядаги йиғин давомида жамоамиз хориж клубларига қарши бир қатор назорат-синов учрашувлари ўтказишни режалаштирган" - дейилади клуб матбуот хизматининг хабарида.