"Арсенал" Михаил Мудрик учун катта сумма тўламоқчи эмас.
Лондон клубининг ҳозиргача энг катта хариди ярим ҳимоячи Николас Пепе бўлиб, у 2019 йилда 72 миллион фунт стерлингга сотиб олинган.
"Шахтёр" Мудрик учун 88 миллион фунт (тахминан 100 миллион эвро) сўрамоқда, аммо Football London маълумотларига кўра, бу сумма "Арсенал" тўлашга тайёр бўлганидан анча юқори. "Канонирлар" Мудрикни бу нархга нисбатан жуда тажрибасиз деб ҳисоблашади.
Агар “Шахтёр” билан келишув амалга ошмаса, “Арсенал” “Брайтон” ва Япония терма жамоасининг 25 ёшли вингери Каору Митома номзодига мурожаат қилади.
