"Барселона" "Айнтрахт" ҳимоячиси Эван Ндикага қизиқиш билдирмоқда.
Каталония клуби ёзда текинга шартнома имзолаши мумкин бўлган 23 ёшли ҳимоячига жиддий қизиқиш билдирмоқда, деб хабар беради Sport1.de.
"Айнтрахт" спорт директори Маркус Кроше Ндика билан шартномани узайтиришдан ҳали умидини узгани йўқ. Франциялик футболчининг қишда жамоани тарк этиши варианти кўриб чиқилмаяпти.
Қайд этилишича, Эван ўтган мавсумда Европа лигасидаги клублар ўртасидаги ўйинларда “Барселона” вакилларида кучли таассурот қолдирган.
23 ёшли ҳимоячига Англия клублари, "Ювентус" ва "Милан" ҳам қизиқиш билдирмоқда.
Жорий мавсумда футболчи Бундеслигада 15 та ўйин ўтказди.