"Бавария" жамоаси ҳужумчиси Эрик-Максим Чупо-Мотинг билан шартномани узайтириш бўйича музокараларни бошлади.
4 январь куни мюнхенликлар спорт директори Ҳасан Салиҳамиджич ва футболчининг агент сифатида унинг манфаатларини ҳимоя қилаётган отаси ўртасида илк учрашув бўлиб ўтди.
Музокаралар яхши ўтди, аммо томонлар якуний қарор қабул қилишдан йироқ. Қайд этилишича, Чупо-Мотинг кейинги мавсумда захира футболчиси бўлишни истамайди.
Камерунлик футболчига "Манчестер Юнайтед" ва бир қатор клублар қизиқиш билдирмоқда. Жамоалар уни жорий трансфер ойнасида ўз сафига қўшиб олмоқчи.
Чупо-Мотингнинг "Бавария" билан шартномаси шу ёзда якунига етади.
Ҳужумчи жорий мавсумда 16 ўйинда 11 та гол урди ва 3 та голли узатмани амалга оширди.
