Педрининг айтишича, «Барселона» Ла Лигада ғалаба қозониш учун ҳамма нарсани қилади.

«Ла Лига чемпионлиги биз учун жуда муҳим соврин ва биз уни ютиш учун бор кучимизни ишга соламиз.

Биз яхши ўйнасак ва яхши жисмоний ҳолатда бўлсак, бизни тўхтатиб бўлмайди. Тўғри, ҳали ҳеч қандай чемпионликни қўлга киритмадик, аммо «Барса»нинг бугунги футболга мослашган услуби унвонлар ва ғалабалар олиб келиши мумкин, буни тез орада исботлаймиз», деди ярим ҳимоячи  DAZN нашрига.

Эслатиб ўтамиз, «Барселона» Ла Лиганинг 15-туридан сўнг 38 очко тўплади ҳамда урилган ва ўтказиб юборилган голлар орасидаги фарқ эвазига «Реал Мадрид»ни ортда қолдириб, турнир жадвалида 1-ўринда бормоқда.