"Рома" клуби "Ренн" ва Мали терма жамоаси ҳимоячиси Амари Траорега қизиқиш билдирмоқда, деб хабар беради GFFN.
Манбага кўра, Рим клуби бош мураббийи Жозе Моуриньо ҳимоя чизиғини тажрибали футболчи билан кучайтирмоқчи.
Траоре 2017 йилдан бери “Ренн” сафида ўйнайди. 30 ёшли малилик футболчининг клуб билан амалдаги шартномаси муддати 2023 йилнинг 30 июнига қадар мўлжалланган. Transfermarkt портали футболчини 10 миллион еврога баҳоламоқда.
2022/23 йилги мавсумда Траоре “Ренн” сафида барча мусобақаларда 19 та ўйинда майдонга тушиб, 1 та голли узатмани амалга оширган.
