"Манчестер Юнайтед" "Монако" ҳимоячиси Аксел Дисасини январь ойидаги трансфер ойнасида ўз сафига қўшиб олмоқчи, деб хабар беради Daily Mail.
Манба берган хабарга кўра, "қизил иблислар" 24 ёшли футболчининг трансфери бўйича илк музокараларни бошлаб юборган. Франциялик футболчини сотиб олишга "Тоттенхэм" ва "Вест Хэм" ҳам қизиқиш билдирмоқда.
Дисаси "Монако"га 2020 йилнинг ёзида "Реймс"дан келиб қўшилганди. У жорий мавсумда барча турнирларда 25 та ўйинда майдонга тушиб, 3 та гол урди ва 4 та голли узатмани амалга оширди.
Унинг "Монако" билан шартномаси 2025 йилнинг ёзига қадар мўлжалланган. Transfermarkt портали футболчининг нархини 25 миллион еврога баҳоламоқда.
