Лондонда олимпиада ўйинларида Ўзбекистон терма жамоаси навбатдаги олтин медални қўлга киритди.
120кг. вазн тоифасида гиламга чиққан Артур Таймазов учинчи марта олимпиада олтин медалларини қўлга киритди. Финалда грузиялик спортчига қарши гиламга чиққан Таймазов икки бўлимда ҳам бир очкодан қўлга киритиб ғалаба қозонди.
Биринчи бўлимда Артур Таймазовга қуръа омадсиз келганди. Спортчимиз тортган шарга кўра, партер ҳолатига тушиб қолганди. Бироқ грузиялик курашчининг ҳужумига қарамасдан ҳимоя туриб рақибни чалғитди ва унинг устига чиқиб олиб бир очко ишлаб олди.
Иккинчи бўлимда эса грузиялик спортчининг руҳан тушкун кайфиятга тушиб қолгани кўриниб турганди. Бундан эса Артур унумли фойдаланди ва ўзи учун керакли бўлган очкони ишлаб терма жамоамиз ҳисобига дастлабки олтин медални келтирди.
