Жума оқшомида "Ан-Наср" аввалроқ ноқулай об-ҳаво туфайли бир кунга қолдирилган "Ал-Таи"га қарши ўйин ўтказади. "Ан-Наср"нинг янги футболчиси Криштиану Роналду ушбу учрашувнинг қайдномасидан жой олмади.
Эслатиб ўтамиз, Криштиану Роналду Англия футбол ассоциацияси томонидан қўйилган икки ўйинга дисквалификация муддатини ўташи керак. ФИФА қоидаларига кўра, лига ўзгарганда футболчилар учун дисквалификациялар сақланиб қолади.
Аввалроқ матбуотда Криштиану Роналду дисквалификацияни бузиши мумкинлиги ҳақида хабарлар тарқалган эди. Айтишларича, "Ан-Наср" португалиялик ҳужумчининг майдонга тушиши учун имкониятлар излаган.
